04/11/2019
ប្រជាកសិករជាង៣០០នាក់ចូលរួមវេទិកា «កសិកម្មសម័យ៤.០)
កន្លងហើយថ្មីៗនេះ មន្ទីរកសិកម្មនិងអភិវឌ្ឍន៍ជនបទ ចាត់តាំងវេទិកា «កសិកម្មសម័យ៤.០) ស្ថិតនៅសាលប្រជុំមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ (សាកលវិទ្យាល័យត្រាវិញ)។ ចូលរួមវេទិកាមានប្រជាកសិករជាង៣០០នាក់នៅក្នុងនិងក្រៅខេត្តៈ វិញឡុង បេនត្រែ តៀងយ៉ាង។ អញ្ជើញចូលរួមមានលោក ត្រឹងអាញ់យុង អនុប្រធានគណៈកម្មាធិការប្រជាជនខេត្ត លោក ហ្វិញគីបណូ នាយករងមន្ទីរកសិកម្មនិងអភិវឌ្ឍន៍ជនបទ លោក ង្វៀងវ៉ាំងផុង នាយករងមជ្ឈមណ្ឌលជួយជំរុញកសិកម្មខេត្ត។
នៅក្នុងស្ថានភាពនៃការរៀបរចនាសម្ព័ន្ធផ្នែកសកិកម្មឡើងវិញ ការអនុវត្តន៍វិទ្យាសាស្រ្តនិងបច្ចេកវិទ្យាទំនើប បានចាត់ទុកថាជាតម្រូវការចាំបាច់ ការច្បាមខ្ជាប់និងអនុវត្តកសិកម្ម៤.០ចូលក្នុងភាពជាក់ស្តែងនៅមានការជួបលំបាក សាកល្បងជាច្រើនចំពោះកសិករ។ល។ ព្រោះហេតុនេះ នៅវេទិកា បណ្តាអង្គភាពដូចជាៈ សម្ព័ន្ធឧស្សាហកម្ម-ទូរគមនាគមន៍យោធា(វៀតថែលត្រាវិញ) ក្រុមហ៊ុន Rynan Holding (សម្ព័ន្ធមីឡាង) មន្ទីរវិទ្យាសាស្រ្តនិងបច្ចេកវិទ្យាខេត្ត ផ្សារទំនើប Coopmart។ល។ បានអធិប្បានូវបទអន្តរាគមន៍ ស្តីពីអនុវត្តបច្ចេកវិទ្យាព័ត៌មានក្នុងការផលិតកម្មកសិកម្ម៤.០ អនុវត្តបច្ចេកវិទ្យា៤.០ ចូលក្នុងកសិកម្មឆ្លាត ស្ថាបនាពាណិជ្ជសញ្ញាមុខទំនិញដោយភ្ជាប់ជាមួយការនាំចេញកសិផល តភ្ជាប់ជាមួយការនាំចេញផលិតផល។ល។ ដើម្បីចែករំលែកសមិទ្ធិផលនៃបច្ចេកវិទ្យាអនុវត្តចូលក្នុងមុខទំនិញកសិផលកំពុងតែបានប្រជាកសិករផលិត។
នេះជាឱកាសដើម្បីប្រជាកសិករស្វែងយល់ដោះដូរជាមួយក្រុមហ៊ុន អាជីវកម្មក្នុងការច្បាមខ្ជាប់បណ្តាបច្ចេកវិទ្យា បែបផែននៃការអនុវត្តន៍បច្ចេកវិទ្យាថ្មីចូលក្នុងការផលិតកសិកម្ម៤.០ ដូចជាប្រព័ន្ធគ្រប់គ្រងគុណភាពផលិតផលឆ្លងតាមតែមអេឡិចត្រូនិច ប្រព័ន្ធគ្រប់គ្រង តាមដានកម្រិតប្រៃPH ដោយឆ្លងតាមឧបករណ៍Smartphone។ល។ ព្រមជាមួយនោះ មានកសិករជាច្រើនបានស្នើពីគោលនយោបាយមួយចំនួនក្នុងការតភ្ជាប់រវាងអាជីវកម្មនិងកសិករ ដូចជាៈ វិនិយោគ តម្លើងឧបករណ៍អនុវត្តកសិកម្ម៤.០ សេវាប្រមូលទិញ នាំចេញផលិតផលទៅតាមរបៀបonline ។ល។៕
×
![]()